శంషాబాద్‌ ఎయిర్‌పోర్ట్‌లో భారీగా హైడ్రోఫోనిక్‌ గంజాయి పట్టివేత
హైదరాబాద్‌, శంషాబాద్‌ అంతర్జాతీయ విమానాశ్రయంలో మంగళవారం కస్టమ్స్‌ అధికారులు భారీ మత్తు పదార్థాలను స్వాధీనం చేసుకున్నారు. బ్యాంకాక్‌ నుంచి ఇండిగో ఎయిర్‌వేస్‌ విమానంలో హైదరాబాద్‌కు చేరుకున్న ఒక మహిళ వద్ద 13.3 కోట్ల రూపాయల విలువైన హైడ్రోఫోనిక్‌ గంజాయిని గుర్తించారు.
తనిఖీల సమయంలో అనుమానం రావడంతో కస్టమ్స్‌ సిబ్బంది ఆమె సామాను చెక్‌ చేయగా, ప్రత్యేక ప్యాకేజింగ్‌లో నాణ్యత గల గంజాయి లభించింది. వెంటనే మహిళను అదుపులోకి తీసుకుని, న్యాయ ప్రక్రియల అనంతరం రిమాండ్‌కు తరలించారు.
అధికారుల ప్రకారం, హైడ్రోఫోనిక్‌ గంజాయి అధిక మత్తు ప్రభావం కలిగించే మాదకద్రవ్యం. దీనిని ప్రధానంగా విదేశీ మార్కెట్లకు స్మగ్లింగ్‌ చేస్తారని తెలిపారు. గమనించదగ్గ విషయం ఏమిటంటే, గత నెల కూడా బ్యాంకాక్‌ నుంచి వచ్చిన మరో మహిళ వద్ద రూ.40 కోట్ల విలువ చేసే ఇలాంటి గంజాయిని స్వాధీనం చేసుకున్న ఘటన చోటుచేసుకుంది.
Post a Comment