లంచం తీసుకుంటూ ఏసీబీకి చిక్కిన తహసీల్దారు కార్యాలయంలో ముగ్గురు అధికారులు
ఖమ్మం జిల్లా తల్లాడ మండల తహసీల్దారు కార్యాలయంలో లంచం ఘటన వెలుగుచూసింది. ఫిర్యాదుదారుడు కొనుగోలు చేసిన భూమిని ఆయన పేరుమీద రిజిస్టర్ చేసేందుకు, సంబంధిత ప్రక్రియను పూర్తిచేసేందుకు రూ.10,000/- లంచం తీసుకుంటూ ముగ్గురు అధికారులను అవినీతి నిరోధక శాఖ అధికారులు పట్టుకున్నారు.
లంచం కేసులో చిక్కినవారు:
- తహసీల్దారు వంకాయల సురేష్ కుమార్
- రెవెన్యూ ఇన్స్పెక్టర్ మాలోత్ భాస్కర్ రావు
- డేటా ఎంట్రీ ఆపరేటర్ శివాజీ రాథోడ్
ఈ ఘటనతో స్థానికంగా కలకలం రేగింది.
అవినీతి నిరోధక శాఖ ప్రజలకు విజ్ఞప్తి చేస్తూ—
ఏ ప్రభుత్వ ఉద్యోగి లంచం కోరిన సందర్భంలో వెంటనే టోల్ ఫ్రీ నెంబర్ 1064 కు కాల్ చేయాలని కోరింది. అదేవిధంగా వాట్సాప్ (9440446106), ఫేస్‌బుక్ (Telangana ACB), ఎక్స్ (@TelanganaACB) మరియు వెబ్‌సైట్ (acb.telangana.gov.in) ద్వారా కూడా సమాచారం అందించవచ్చని తెలిపింది.
అంతేకాకుండా ఫిర్యాదుదారుల/బాధితుల వివరాలు పూర్తిగా గోప్యంగా ఉంచబడతాయి అని అనిశా స్పష్టం చేసింది.
Post a Comment