గ్రామ సర్పంచ్‌గా పోటీ చేయాలనుకునే వారికి అవసరమైన అర్హతలు

గ్రామ పంచాయతీ ఎన్నికలు దగ్గరపడుతున్నాయి. ఈ సారి యువత, మహిళలు ఎక్కువ ఆసక్తి చూపుతున్నారు. అయితే సర్పంచ్‌గా పోటీ చేయాలంటే తప్పనిసరిగా కొన్ని అర్హతలు ఉండాలి. అలాగే కొన్ని పరిస్థితుల్లో వ్యక్తులు పోటీ చేయకుండా అనర్హులుగా పరిగణిస్తారు.

🟢 అర్హతలు (Eligibility):

అభ్యర్థి తప్పనిసరిగా అదే గ్రామ పంచాయతీకి స్థానికుడై ఉండాలి.
పేరు తప్పనిసరిగా పంచాయతీ ఓటర్ల జాబితాలో నమోదు అయి ఉండాలి.
నామినేషన్ వేయు సమయానికి అభ్యర్థి వయసు 21 సంవత్సరాలు పూర్తి అయి ఉండాలి.
ఎస్సీ, ఎస్టీ, బీసీ వర్గాలకు చెందిన వారు కూడా జనరల్ కేటగిరీ నుంచి పోటీ చేయవచ్చు.
మహిళలకు రిజర్వు చేసిన స్థానాల్లో మాత్రమే కాదు, అదే కేటగిరీకి చెందిన జనరల్ స్థానాల్లో కూడా పోటీ చేసే అవకాశం ఉంది.

🔴 అనర్హులు (Disqualification):

ప్రభుత్వ ఉద్యోగులు – కేంద్ర, రాష్ట్ర, గ్రామ సేవకులు, స్థానిక సంస్థలు, ఎయిడెడ్ ఇన్స్టిట్యూషన్ల ఉద్యోగులు.
చట్టబద్ధ సంస్థల ఉద్యోగులు – ఏ ప్రభుత్వ చట్టం ప్రకారం ఏర్పడిన సంస్థలలో పనిచేసేవారు.
నేరస్తులు – నేరంలో శిక్షపడిన వారు.
శిక్ష అనుభవించి 5 సంవత్సరాలు పూర్తికాకపోయిన వారు.
మతిస్థిమితం లేని వారు, చెవిటివారు, మూగవారు.
పౌరహక్కుల పరిరక్షణ చట్టం – 1955 కింద కేసులో శిక్షపడిన వారు.
దివాళాదారులు – కోర్టులో దివాళా పిటిషన్ పెట్టుకున్న వారు లేదా రుణ విమోచన పొందని వారు.
గ్రామ పంచాయతీకి బకాయి ఉన్న వారు – బకాయిల చెల్లింపుకు నోటీసులు వచ్చినా చెల్లించని వారు.
ఇద్దరికి మించి పిల్లలు కలిగిన వారు.
అవినీతి లేదా విశ్వాస ఘాతుకం కారణంగా ఉద్యోగం నుంచి తొలగించబడిన వారు, తొలగింపు తేదీ నుంచి 5 సంవత్సరాలు పూర్తయ్యేంతవరకు.
గ్రామ పంచాయతీ, మండల, జిల్లా పరిషత్ లేదా ప్రభుత్వ పనులకు కాంట్రాక్టు/ఒప్పందం చేసుకున్న వారు.