నల్గొండలో ఇంటర్ విద్యార్థినిపై రేప్ అండ్ మర్డర్… ఆరు నెలల ప్రేమబంధం విషాదాంతం

నల్గొండ: అక్టోబర్ 07: నల్గొండ పట్టణంలో దారుణ ఘటన చోటుచేసుకుంది. ప్రేమ పేరుతో ఒక మైనర్ ఇంటర్ విద్యార్థినిపై అత్యాచారం చేసి, అనంతరం హత్య చేసిన సంఘటన స్థానికంగా కలకలం రేపింది. ఈ ఘోరానికి ట్రాక్టర్ డ్రైవర్‌గా పనిచేస్తున్న కృష్ణ గౌడ్ అనే యువకుడు కారణమని పోలీసులు తెలిపారు.

వివరాల్లోకి వెళ్తే — నల్గొండ పట్టణంలోని డైట్ కాలేజ్ సమీపంలో నివసించే 17 ఏళ్ల ఇంటర్ విద్యార్థిని, అదే ప్రాంతానికి చెందిన కృష్ణ గౌడ్ (23)తో గత ఆరు నెలలుగా ప్రేమలో ఉన్నట్లు పోలీసులు వెల్లడించారు. ప్రేమ పేరుతో ఆమెను నమ్మించి, స్నేహితుడి గదికి తీసుకెళ్లి అత్యాచారం చేశాడు. అనంతరం విషయం బయటపడుతుందనే భయంతో విద్యార్థినిని గొంతు నులిమి హత్య చేశాడు.

శరీరాన్ని అక్కడే వదిలి పారిపోయిన కృష్ణ గౌడ్‌ను పోలీసులు కొద్ది గంటల్లోనే పట్టుకున్నారు. స్థానికుల సమాచారం మేరకు ఘటనాస్థలానికి చేరుకున్న పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం ప్రభుత్వ ఆసుపత్రికి తరలించారు.

ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. నిందితుడి స్నేహితుడు గది ఇచ్చిన వ్యక్తిని కూడా విచారిస్తున్నట్లు సమాచారం.

పట్టణంలో జరిగిన ఈ ఘోర హత్యతో స్థానికులు తీవ్ర ఆగ్రహం వ్యక్తం చేస్తున్నారు. విద్యార్థిని కుటుంబసభ్యులు కన్నీటి పర్యంతమవుతుండగా, పోలీసులు నిందితుడిపై కఠిన చర్యలు తీసుకోవాలని ప్రజలు డిమాండ్ చేస్తున్నారు.

పోలీసుల హెచ్చరిక:

ప్రేమ పేరుతో మైనర్ బాలికలను మోసం చేసే వారిపై కఠిన చర్యలు తప్పవని నల్గొండ టౌన్ సీఐ తెలిపారు. ఈ కేసు ‘పోక్స్ో’ (POCSO) చట్టం కింద కూడా నమోదు చేయనున్నట్లు చెప్పారు.