హైదరాబాద్–విజయవాడ నేషనల్ హైవేపై ట్రాఫిక్ రద్దీ (వీడియో)

 

హైదరాబాద్: నిన్న మధ్యాహ్నం నుంచి హైదరాబాద్–విజయవాడ నేషనల్ హైవేపై వాహనాల రద్దీ రికార్డు స్థాయిలో పెరిగింది. దసరా సెలవుల తర్వాత తిరిగి ప్రయాణాలు ప్రారంభమైన నేపథ్యంలో భారీ సంఖ్యలో వాహనాలు రోడ్డెక్కాయి. దీంతో చిట్యాల, చౌటుప్పల్ పరిసరాల్లో ట్రాఫిక్ తీవ్రంగా నిలిచిపోయింది.

గత రాత్రి నుంచి పోలీసు బలగాలు హైవేపైనే విధుల్లో కొనసాగుతున్నాయి. ట్రాఫిక్‌ను సజావుగా నడిపించేందుకు చౌటుప్పల్ ఏసీపీ మధుసూదన్ రెడ్డి, నల్గొండ డీఎస్పీ శివరామ్ రెడ్డి నేతృత్వంలో పోలీసులు విశ్వప్రయత్నాలు చేస్తున్నారు.

చౌటుప్పల్, చిట్యాల వద్ద రోడ్డు నిర్మాణ పనులు జరుగుతుండటంతో ట్రాఫిక్ ఇంకా మందగిస్తోంది. నకిరేకల్–హైదరాబాద్, ఎల్లారెడ్డిగూడెం–నార్కట్‌పల్లి మార్గాల్లో కూడా ట్రాఫిక్ జామ్‌లు కొనసాగుతున్నాయి.

కొర్లపహాడ్, పంతంగి టోల్‌ప్లాజాల వద్ద వాహనాలు నెమ్మదిగా కదులుతున్నాయి. పోలీసులు డ్రైవర్లను సహనంతో ఉండాలని, ప్రత్యామ్నాయ మార్గాలను ఉపయోగించాలని సూచించారు.

🚗 సెలవు సీజన్‌ రష్‌తో హైవేపై ప్రయాణికులు ఇబ్బందులు పడుతున్న దృశ్యాలు కనిపిస్తున్నాయి.