💔 పెళ్లికి వారం ముందు విషాదం.. గోదావరిలో కొట్టుకుపోయిన ప్రేమ జంట

అక్టోబర్ 26, 2025 పెద్దపల్లి జిల్లా, తెలంగాణ పెళ్లి ఆనంద వేడుకకు సిద్ధమవుతున్న ఓ ప్రేమ జంటకు ఊహించని విషాదం ఎదురైంది. పెద్దపల్లి జిల్లాలో గోదావరిలో స్నానం చేయడానికి వెళ్లిన ప్రేమజంట నీటిలో కొట్టుకుపోయింది.

సమాచారం ప్రకారం — ఈ ప్రేమజంట పెద్దలను ఒప్పించి నవంబర్ 1న వివాహ బంధంతో ఒక్కటయ్యేలా నిశ్చయమైంది. వివాహానికి వారం రోజుల ముందు కుటుంబ సభ్యులతో కలిసి సమ్మక్క సారాలమ్మ పుష్కర ఘాట్ వద్ద పుణ్యస్నానాల కోసం గోదావరి తీరంకు వెళ్లారు.

అయితే, స్నానం చేస్తుండగా ఇద్దరూ ఆచూకీ లేకుండా నీటిలో మునిగిపోయారు. గమనించిన స్థానిక జాలరులు తక్షణమే సహాయం అందించగా, యువకుడిని ప్రాణాలతో కాపాడగలిగారు, కానీ యువతి మృతదేహం మాత్రమే బయటపడింది.

📌 సమాచారం అందుకున్న పోలీసులు ఘటన స్థలానికి చేరుకొని కేసు నమోదు చేసి దర్యాప్తు ప్రారంభించారు. గ్రామంలో తీవ్ర విషాద ఛాయలు అలుముకున్నాయి. పెళ్లి వేడుక కోసం వేచి చూసిన కుటుంబాలు కన్నీటి పర్యంతమయ్యాయి.