పాత కొత్తగూడెం UPHC ప్రహరీ గోడ కూలిపోయిన పట్టించుకునే వారే లేరు

భద్రాద్రి కొత్తగూడెం జిల్లా కొత్తగూడెం పట్టణంలో ఉన్న అర్బన్ ప్రైమరీ హెల్త్ సెంటర్ (UPHC) పరిస్థితి బాధాకరంగా మారింది. సుమారు 8 నెలల క్రితమే ఈ కేంద్రానికి చెందిన ప్రహరీ గోడ కూలిపోయింది. అయితే ఇప్పటికీ సంబంధిత అధికారులు ఎటువంటి చర్యలు తీసుకోకపోవడంతో ప్రజల్లో ఆగ్రహం నెలకొంది.

గోడ లేకపోవడంతో పక్కనే తిరిగే జంతువులు లోపలికి ప్రవేశించి పూల మొక్కలు, చెట్లను తినేస్తున్నాయి. ఆసుపత్రి వాతావరణం అస్వచ్ఛంగా మారడంతో పాటు రోగులు, సిబ్బంది అసౌకర్యాలు ఎదుర్కొంటున్నారు.

స్థానికులు చెబుతున్నట్లుగా, ఎన్నోసార్లు అధికారులకు సమాచారం ఇచ్చినా గోడ మరమ్మత్తు పనులు ప్రారంభం కాలేదని ఆవేదన వ్యక్తం చేస్తున్నారు. ప్రజా ఆరోగ్యానికి కీలకమైన కేంద్రం అయినా, అధికారులు నిర్లక్ష్యం వహించడం బాధాకరమని వారు మండిపడుతున్నారు.

👉 ప్రజలు త్వరితగతిన ప్రహరీ గోడను పునర్నిర్మించాలని, అలాగే ఆసుపత్రి పరిసరాల భద్రత, శుభ్రతకు చర్యలు తీసుకోవాలని ప్రభుత్వాన్ని కోరుతున్నారు.