శాస్త్రీయ ప్రగతే విశ్వ ప్రగతికి మూలం – షేఖ్ అబ్దుల్ బాసిత్

కొత్తగూడెం కార్పొరేషన్ 14వ డివిజన్ సుభాష్ చంద్రబోస్ నగర్, రామవరం ప్రాంతంలోని మోడ్రన్ ఇఖ్రా స్కూల్‌లో జాతీయ సైన్స్ దినోత్సవం సందర్భంగా ప్రముఖ శాస్త్రవేత్త C. V. Raman జయంతి వేడుకలు ఘనంగా నిర్వహించారు.

ఈ సందర్భంగా పాఠశాల కరస్పాండెంట్ షేఖ్ అబ్దుల్ బాసిత్ మాట్లాడుతూ, “శాస్త్రీయ ప్రగతే విశ్వ ప్రగతికి మూలం. శాస్త్రీయంగా ఆలోచించండి. శాస్త్రవేత్తలై సమాజానికి సేవ చేయండి” అని విద్యార్థులకు పిలుపునిచ్చారు. ప్రపంచం నేడు శాస్త్ర సాంకేతిక రంగాల్లో ఊహించని స్థాయిలో అభివృద్ధి సాధించిందని, అయితే ఆ అభివృద్ధిని వినాశనానికి కాకుండా మానవ సంక్షేమానికి వినియోగించాల్సిన అవసరం ఉందని పేర్కొన్నారు. యుద్ధ విధ్వంసం కోసం కాకుండా మానవ ప్రగతికి శాస్త్రాన్ని ఉపయోగించాలని విద్యార్థులను సూచించారు.

కార్యక్రమంలో విద్యార్థులు శాస్త్రం మానవ సమాజానికి చేస్తున్న సేవల గురించి వివిధ అంశాలను చక్కగా వివరించారు. భారతీయ శాస్త్రవేత్తలు A. P. J. Abdul Kalam, Subhas Chandra Bose, అలాగే శాస్త్రవేత్త Marie Curie వంటి మహానుభావుల సేవలను స్మరించుకున్నారు. వారి బాటలో నడిచి దేశాభివృద్ధికి చిత్తశుద్ధితో కృషి చేస్తామని ప్రతిజ్ఞ చేశారు.

చిన్నారులు ప్రదర్శించిన సైన్స్ ప్రయోగాలు అందరినీ ఆలోచింపజేశాయి. విజ్ఞాన శాస్త్ర గొప్పతనాన్ని తెలియజేస్తూ చేసిన నృత్యాలు, గాన ప్రదర్శనలు ప్రేక్షకులను ఆకట్టుకున్నాయి.

ఈ కార్యక్రమంలో కరస్పాండెంట్ షేఖ్ అబ్దుల్ బాసిత్, ప్రధాన అధ్యాపకురాలు పర్వీన్ సుల్తానా, ఉపాధ్యాయులు నీలా, శిరీషా, సరస్వతి, ప్రసన్న, విజయలక్ష్మీ, సల్మా, జేఫీషా, అనిత తదితరులు పాల్గొన్నారు.