తక్వా, ఇఖ్లాస్‌తో కుర్బానీ.. మానవత్వమే ఈద్ అల్-అధా సందేశం: మంజుల పత్తిపాటి

ఈద్ అల్-అధా పవిత్ర పండుగ కేవలం ఆనందోత్సవం మాత్రమే కాదని, అది తక్వా (దైవభీతి), సబ్ర్ (సహనం), త్యాగానికి ప్రతీక అని మాజీ ఆలేరు వ్యవసాయ మార్కెట్ కమిటీ డైరెక్టర్ మంజుల పత్తిపాటి పేర్కొన్నారు. ఈ పవిత్ర పండుగ సందర్భంగా ప్రజలకు శుభాకాంక్షలు తెలియజేస్తూ ఆమె ప్రత్యేక సందేశాన్ని అందించారు.

మనిషి తన అహంకారాన్ని కుర్బానీ చేసి, తన నఫ్స్ (స్వార్థ ఆలోచనలు)ను నియంత్రించుకోవాలనే గొప్ప సందేశాన్ని ఈద్ అల్-అధా అందిస్తోందని ఆమె అన్నారు. స్వార్థాన్ని విడిచిపెట్టి, ఇఖ్లాస్ (నిష్కపటత)తో జీవించే హృదయంలోనే అల్లాహ్ రహ్మత్ (దయ) నిలుస్తుందని వివరించారు.

మతంతో కాకుండా మనసుతో మనిషిని కొలవాలని ఈ పండుగ ప్రపంచానికి చాటిచెబుతోందని పేర్కొన్నారు. నేటి ప్రపంచానికి అవసరమైంది సంపద కాదని, మానవత్వం (ఇన్సానియత్) అని అన్నారు.

క్రోధాన్ని రహ్మత్‌గా, ద్వేషాన్ని ముహబ్బత్‌గా (ప్రేమగా), అహంకారాన్ని వినయంగా మార్చుకోవడమే నిజమైన ఇబాదత్ (ఆరాధన) అని ఆమె అభిప్రాయపడ్డారు.

అల్లాహ్ రహ్మత్, బరకత్, సలాం ప్రతి హృదయంలో నూరుగా నిండాలని ఆకాంక్షిస్తూ ఈ పవిత్ర ఈద్ అల్-అధా పండుగ సందర్భంగా ప్రజలందరికీ ఆమె శుభాకాంక్షలు తెలిపారు.