తెలంగాణలో IFS అధికారుల బదిలీలు.. కీలక ఉత్తర్వులు జారీ

హైదరాబాద్: తెలంగాణ ప్రభుత్వం పరిపాలనా పరమైన కారణాలతో పలువురు ఇండియన్ ఫారెస్ట్ సర్వీస్ (IFS) అధికారులను బదిలీ చేస్తూ కీలక నిర్ణయం తీసుకుంది. ఈ మేరకు ప్రభుత్వ ప్రధాన కార్యదర్శి కె. రామకృష్ణారావు G.O.Rt.No.932 ద్వారా అధికారిక ఉత్తర్వులు జారీ చేశారు. బదిలీ అయిన అధికారులు వెంటనే తమ ప్రస్తుత విధులను విడిచి, కొత్తగా కేటాయించిన స్థానాల్లో బాధ్యతలు స్వీకరించాలని ఆదేశించారు.

అరణ్య భవన్‌లో వి.ఎస్.ఎన్.వి. ప్రసాద్‌కు కీలక బాధ్యతలు

ప్రస్తుతం పోస్టింగ్ కోసం ఎదురుచూస్తున్న వి.ఎస్.ఎన్.వి. ప్రసాద్, IFSను హైదరాబాద్‌లోని అరణ్య భవన్‌లో ఉన్న ప్రిన్సిపల్ చీఫ్ కన్సర్వేటర్ ఆఫ్ ఫారెస్ట్స్ (HoFF) కార్యాలయంలో కన్సర్వేటర్ ఆఫ్ ఫారెస్ట్స్ (ప్లానింగ్ అండ్ విజిలెన్స్)గా నియమించింది.

జిల్లాల వారీగా డీఎఫ్‌ఓల బదిలీలు

ప్రభుత్వం విడుదల చేసిన బదిలీల జాబితా ప్రకారం..

భద్రాద్రి కొత్తగూడెం జిల్లా అటవీ అధికారిగా ఉన్న జి. కిష్ట గౌడ్, IFSను జయశంకర్ భూపాలపల్లి జిల్లా డీఎఫ్‌ఓగా బదిలీ చేశారు.
నిజామాబాద్ జిల్లా డీఎఫ్‌ఓ సిద్ధార్థ్ విక్రమ్ సింగ్, IFSను భద్రాద్రి కొత్తగూడెం జిల్లా అటవీ అధికారిగా నియమించారు.
మహబూబ్‌నగర్ జిల్లా డీఎఫ్‌ఓ శివ్ ఆశిష్ సింగ్, IFSను రంగారెడ్డి జిల్లా అటవీ అధికారిగా బదిలీ చేశారు.
జయశంకర్ భూపాలపల్లి జిల్లా డీఎఫ్‌ఓ ఎం. నవీన్ రెడ్డి, IFSను మహబూబ్‌నగర్ జిల్లా అటవీ అధికారిగా నియమించారు.
ఆదిలాబాద్ జిల్లా డీఎఫ్‌ఓ ప్రశాంత్ బాజీరావు పాటిల్, IFSను నిజామాబాద్ జిల్లా అటవీ అధికారిగా బదిలీ చేశారు.

ఆదిలాబాద్‌కు చిన్న విశ్వనాథ్‌కు అదనపు బాధ్యతలు

జిల్లాల అధికారుల బదిలీల నేపథ్యంలో ఆదిలాబాద్ ఫారెస్ట్ డివిజనల్ ఆఫీసర్ చిన్న విశ్వనాథ్ భూసారెడ్డి, IFSకు అదనపు బాధ్యతలు అప్పగించారు. ఆమె ప్రస్తుతం నిర్వహిస్తున్న బాధ్యతలతో పాటు ఆదిలాబాద్ జిల్లా అటవీ అధికారి (DFO)గా పూర్తి అదనపు బాధ్యతలను (FAC) కూడా నిర్వర్తించాలని ప్రభుత్వం ఉత్తర్వుల్లో పేర్కొంది.

ఈ బదిలీలతో రాష్ట్ర అటవీ శాఖలో పరిపాలనా పునర్వ్యవస్థీకరణకు ప్రభుత్వం శ్రీకారం చుట్టినట్లు తెలుస్తోంది. అధికారులు తక్షణమే కొత్త స్థానాల్లో బాధ్యతలు చేపట్టాలని ప్రభుత్వం స్పష్టం చేసింది.