శ్రీ దుర్గా దేవి నవరాత్రి ఉత్సవాలకు ఉత్సవ కమిటీ అధ్యక్షులు వాసర్ల నాగమణి

 

శ్రీ దుర్గా దేవి నవరాత్రి ఉత్సవాలకు ఉత్సవ కమిటీ అధ్యక్షులు వాసర్ల నాగమణి 

కొత్తగూడెం: విశ్వహిందూ పరిషత్ (వీహెచ్‌పీ) కొత్తగూడెం శాఖ ఆధ్వర్యంలో శ్రీ దుర్గా దేవి అమ్మవారి నవరాత్రి ఉత్సవాలను ఘనంగా నిర్వహించేందుకు ఉత్సవ కమిటీని ఏర్పాటు చేశారు. ఈ మేరకు అక్టోబర్ 6, 2026 మంగళవారం మహిళా కార్యకర్తలు, ఉత్సవాల నిర్వాహకులు సమావేశమై నవరాత్రి ఉత్సవ కమిటీ సభ్యులుగా బాధ్యతలు స్వీకరించారు.

ఈ సందర్భంగా వాసర్ల నాగమణి ఉత్సవ కమిటీ అధ్యక్షురాలిగా బాధ్యతలు చేపట్టారు. నాత స్వరలత ఉపాధ్యక్షురాలిగా, రేగడ విజయలక్ష్మి కార్యదర్శిగా,  తగుళ్ల సుజాత కోశాధికారిగా బాధ్యతలు స్వీకరించారు. కమిటీలో మరికొంతమందికి వివిధ బాధ్యతలు అప్పగించాల్సి ఉందని నిర్వాహకులు తెలిపారు. మిగిలిన బాధ్యతలను అక్టోబర్ 9, 2026 గురువారం సాయంత్రం 5 గంటలకు అప్పగించనున్నట్లు పేర్కొన్నారు.

నవరాత్రి ఉత్సవాల సందర్భంగా పట్టణంలోని వివిధ ప్రాంతాల్లో ఏర్పాటు చేసే అమ్మవారి మండపాలకు ధ్వజాలు, హోమ సామగ్రి, నెయ్యి తదితర అవసరమైన పూజా సామగ్రిని అందించేందుకు చర్యలు తీసుకోనున్నట్లు కమిటీ సభ్యులు తెలిపారు. అలాగే ఉత్సవాల సమయంలో సహస్రనామ పారాయణాలు, భజనలు, ప్రత్యేక పూజా కార్యక్రమాలు నిర్వహించేలా ఏర్పాట్లు చేయనున్నారు.

అదేవిధంగా రానున్న బతుకమ్మ ఉత్సవాలకు ప్రభుత్వం తరఫున చేపట్టాల్సిన ఏర్పాట్లపై సంబంధిత అధికారులను కలిసి వినతిపత్రాలు అందించి, అవసరమైన సౌకర్యాలు కల్పించాలని కోరనున్నట్లు తెలిపారు. మహిళలు పెద్ద సంఖ్యలో పాల్గొనే బతుకమ్మ వేడుకలకు తగిన భద్రత, విద్యుత్, పారిశుధ్యం, తాగునీరు తదితర సౌకర్యాలు కల్పించేలా అధికారుల దృష్టికి తీసుకెళ్లనున్నట్లు పేర్కొన్నారు.

మండపాల్లో నిర్వహించే ఆధ్యాత్మిక కార్యక్రమాలకు పండితుల సేవలు అందుబాటులో ఉండేలా చర్యలు తీసుకోనున్నట్లు నిర్వాహకులు తెలిపారు. నవరాత్రి ఉత్సవాలను భక్తిశ్రద్ధలతో, సంప్రదాయబద్ధంగా, ప్రజలందరి సహకారంతో విజయవంతంగా నిర్వహించేందుకు కమిటీ సభ్యులు కృషి చేయాలని నిర్ణయించారు.

ఈ సమావేశంలో వీహెచ్‌పీ మహిళా కార్యకర్తలు, ఉత్సవ నిర్వాహకులు పాల్గొని నవరాత్రి ఉత్సవాల నిర్వహణపై పలు అంశాలపై చర్చించారు. ఈ కార్యక్రమంలో జిల్లా ఉపాధ్యక్షులు దారా రమేష్, ప్రఖండ అధ్యక్షులు వందనపు శ్రీధర్, విభాగ్ అర్చక పురోహిత్ దత్తాత్రేయ శర్మ, జిల్లా కోశాధికారి ఎం. వి. కే. యు శర్మ, నగర కార్యదర్శి నాగుల రవికుమార్, నగర అధ్యక్షులు తగళ్ళ యాకయ్య, కార్యాలయం ప్రముఖ్ జీ. భాస్కర్ రెడ్డి, అయ్యప్ప గురువులు రాంబాబు స్వామి, కళావతి పాసీ తదితరులు పాల్గొన్నారు.