వేశ్యతో గొడవ.. టెక్కీపై కత్తితో దాడి – ఏడుగురి అరెస్ట్
హైదరాబాద్‌ కేపీహెచ్‌బీ కాలనీలో ఘోర సంఘటన చోటుచేసుకుంది. ఓ సాఫ్ట్‌వేర్ ఉద్యోగిపై గ్యాంగ్ కత్తులతో దాడికి పాల్పడింది. ఈ ఘటనలో టెక్కీ తీవ్రంగా గాయపడ్డాడు.
పోలీసుల వివరాల ప్రకారం:
మంగళవారం కేపీహెచ్‌బీ రోడ్ నంబర్ 1లో మధు గౌడ్ అనే సాఫ్ట్‌వేర్ ఉద్యోగి, రవళి అనే వేశ్యతో వాగ్వాదానికి దిగాడు. ఆగ్రహంతో రవళి ఈ విషయాన్ని తన సోదరుడు సోహైల్‌కు తెలిపింది. దీంతో మండిపడ్డ సోహైల్, తన స్నేహితులతో కలిసి ప్రతీకారం తీర్చుకోవాలని నిర్ణయించుకున్నాడు.
అదే రోజు రాత్రి గాంధీ విగ్రహం వద్ద మధుపై మాటువేసి సోహైల్ గ్యాంగ్ కత్తులతో దాడి చేసింది. మధు గౌడ్ తీవ్రంగా గాయపడగా, స్థానికులు అతన్ని వెంటనే ఆసుపత్రికి తరలించారు. ప్రస్తుతం అతను చికిత్స పొందుతున్నాడు.
అరెస్ట్ అయిన నిందితులు:
- రవళి
- సోహైల్
- గూడెల్లి సాయికుమార్
- బారెడ్డి శశిధర్‌రెడ్డి
- బారెడ్డి ప్రతాప్‌రెడ్డి
- అశ్విని కుమార్ సింగ్
- షేక్ షరీఫ్
కేపీహెచ్‌బీ పోలీసులు నిందితులను అరెస్ట్ చేసి కోర్టులో హాజరుపరచగా, వారిని రిమాండ్‌కు తరలించారు.
Post a Comment