🏹 వరల్డ్‌ చాంపియన్‌గా నిలిచిన చికిత తానిపర్తి – సీఎం రేవంత్ అభినందనలు
కెనడాలో జరుగుతున్న ప్రపంచ యూత్‌ ఆర్చరీ చాంపియన్‌షిప్లో అండర్-21 విభాగంలో స్వర్ణ పతకం సాధించి ప్రపంచ ఛాంపియన్‌గా వెలుగొందిన పెద్దపల్లి జిల్లా ఎలిగేడు మండలం సుల్తాన్‌పూర్ గ్రామానికి చెందిన చికిత తానిపర్తికు ముఖ్యమంత్రి ఎ. రేవంత్ రెడ్డి హృదయపూర్వక అభినందనలు తెలిపారు.
ఫైనల్ పోరులో కొరియాకు చెందిన పార్క్ యెరిన్పై ఘనవిజయం సాధించి స్వర్ణ పతకం సాధించిన చికిత ప్రతిభ దేశానికే గర్వకారణమని సీఎం పేర్కొన్నారు.
చికిత ప్రదర్శనలో ప్రతిబింబించిన ఆత్మవిశ్వాసం, ఏకాగ్రత, లక్ష్యసాధన సంకల్పం యువతకు స్ఫూర్తిదాయకమని ముఖ్యమంత్రి అన్నారు. గ్రామీణ నేపథ్యంలో ఒక్కో మెట్టు ఎక్కుతూ ప్రపంచ వేదికపై రాణించడం ఆమె కృషికి నిదర్శనమని కొనియాడారు.
భవిష్యత్తులో మరిన్ని విజయాలు సాధించాలని ఆకాంక్షించిన సీఎం, చిన్ననాటి నుంచే ప్రతిభను గుర్తించి ప్రోత్సహించిన తల్లిదండ్రులను కూడా అభినందించారు.
Post a Comment