రామచంద్ర హైస్కూల్ 37 ఏళ్ల తరువాత పూర్వ విద్యార్థుల ఆత్మీయ కలయిక

 

భద్రాద్రి కొత్తగూడెం జిల్లా రామచంద్ర హైస్కూల్ 1987–88 సంవత్సరంలో పదో తరగతి పూర్తి చేసిన పూర్వ విద్యార్థులు 37 ఏళ్ల తరువాత ఆత్మీయంగా కలుసుకున్నారు. ఈ సందర్భంగా వారు తమ గురువుగారు నల్ల బ్రోలు సుబ్బారావు, లీలాకుమారి గారిని సత్కరించడం విశేషం.

సుభ్రమైన వాతావరణంలో సాగే ఈ సమావేశంలో ఆ కాలపు స్నేహ బంధాలను మరోసారి గుర్తు చేసుకుంటూ పూర్వ విద్యార్థులు మధురానుభూతులను పంచుకున్నారు. 87 ఏళ్ల వయసులోనూ ఉత్సాహంగా హాజరైన సుబ్బారావు , తన పాత జ్ఞాపకాలను నెమరేసుకున్నారు. ఈ సందర్భంగా ఆయన మాట్లాడుతూ, “మీరు మీ మీ రంగాల్లో — ఉద్యోగాలు, వ్యాపారాలు చేస్తూ సమాజానికి ఉపయోగపడుతూ అభివృద్ధి చెందాలి. ఉన్నత స్థాయిలను చేరుకోవాలి. ఎల్లప్పుడూ మానవత్వం మర్చిపోవద్దు,” అని ఆశీర్వదించారు.

ఈ కార్యక్రమంలో ఎం.డి. యాకూబ్, కూర శ్రీధర్, ఎం.డి. జమీల్, రవి, ఎస్. శ్రీను, నక్క భాస్కర్, నగేష్, బాలకృష్ణ, ఎం.డి. సత్తార్, సాలార్, రమణ, సత్యనారాయణ, సల్మాన్, అన్వర్ భాష, నరసింహ తదితరులు పాల్గొన్నారు.

ఈ ఆత్మీయ కలయికలో స్నేహితులు పాత జ్ఞాపకాలను పంచుకుంటూ, భవిష్యత్తులో తరచుగా కలుసుకోవాలని నిర్ణయించుకున్నారు.