తెలంగాణ రాష్ట్ర కొత్త డీజీపీగా శివధర్ రెడ్డి నియామకం

హైదరాబాద్: తెలంగాణ కొత్త డైరెక్టర్ జనరల్ ఆఫ్ పోలీస్ (DGP)గా శివధర్ రెడ్డి బాధ్యతలు చేపట్టారు. ముఖ్యమంత్రి ఎ. రేవంత్ రెడ్డి గారి చేతులమీదుగా ఆయన నియామక ఉత్తర్వులు అందుకున్నారు.

📌 శివధర్ రెడ్డి – వ్యక్తిగత & విద్యా నేపథ్యం

1994 బ్యాచ్‌ ఐపీఎస్‌ అధికారి శివధర్ రెడ్డి, రంగారెడ్డి జిల్లా ఇబ్రహీంపట్నం మండలం తూలేకలాన్ (పెద్దతుండ్ల) గ్రామానికి చెందినవారు. హైదరాబాద్‌లో పుట్టి పెరిగిన ఆయన, ప్రైమరీ నుంచి ఉన్నత విద్య వరకు హైదరాబాద్‌లోనే అభ్యసించారు. ఉస్మానియా యూనివర్సిటీ నుంచి ఎల్‌ఎల్‌బీ పూర్తిచేసి కొంతకాలం అడ్వకేట్‌గా పనిచేసి, తర్వాత సివిల్ సర్వీసెస్ పరీక్షలో ఉత్తీర్ణులై ఐపీఎస్‌లో చేరారు.

📌 సేవా ప్రస్థానం

ASPగా విశాఖపట్నంలోని అనకాపల్లి, నర్సీపట్నం, చింతపల్లిలో సేవలు.
గ్రేహౌండ్స్ స్క్వాడ్రన్ కమాండర్గా, అలాగే బెల్లంపల్లి, ఆదిలాబాద్, నల్గొండ, శ్రీకాకుళం, నెల్లూరు, గుంటూరు జిల్లాల్లో ఎస్పీగా కీలక భద్రతా కార్యక్రమాలు.
మావోయిస్టుల అణిచివేతలో DIG SIBగా ముఖ్యపాత్ర.
2014–16 మధ్యన తెలంగాణ తొలి ఇంటెలిజెన్స్ చీఫ్.
2016లో నయీం ఎన్‌కౌంటర్ ఆపరేషన్కు ప్రధాన రూపకర్త.
మక్కా మసీదు బాంబు పేలుళ్ల అనంతరం సౌత్ జోన్ డిసిపిగా కఠిన పరిస్థితుల్లో శాంతి భద్రతల పరిరక్షణ.
విశాఖపట్నం పోలీస్ కమిషనర్‌గా Arrive Alive రోడ్ సేఫ్టీ క్యాంపెయిన్.
ఉమ్మడి ఆంధ్రప్రదేశ్‌లో ఏసీబీ అదనపు డైరెక్టర్ & డైరెక్టర్గా పని.
తెలంగాణలో పర్సనల్ వింగ్ ఐజీ, అడిషనల్ డీజీ, రోడ్ సేఫ్టీ అదనపు డీజీపీగా పనిచేసిన అనుభవం.
2023లో కాంగ్రెస్ ప్రభుత్వం ఏర్పడిన తరువాత మళ్లీ ఇంటెలిజెన్స్ చీఫ్గా నియామకం.
2024 ఆగస్టులో డీజీపీగా ప్రమోషన్.