గోదావరిఖనిలో కల్వకుంట్ల కవితకు HMS ఘన స్వాగతం
గోదావరిఖని : సెప్టెంబర్ 23 : గోదావరిఖని శ్రీరాంపూర్ ప్రాంతంలో నిర్వహించిన బతుకమ్మ సంబరాలకు జాగృతి అధ్యక్షురాలు, హెచ్ఎంఎస్ గౌరవాధ్యక్షురాలు కల్వకుంట్ల కవిత విచ్చేసారు. ఈ సందర్భంగా ఆమెకు హెచ్ఎంఎస్ రాష్ట్ర నాయకులు ఘన స్వాగతం పలికారు.
హెచ్ఎంఎస్ రాష్ట్ర అధ్యక్షులు రియాజ్ అహ్మద్, సెంట్రల్ ప్రధాన కార్యదర్శి అబ్దుల్ ఖయ్యూం, సెంట్రల్ కార్యదర్శి ఖాజీ మహమ్మద్ ఇస్మాయిల్ నిజామి తదితరులు ప్రత్యేకంగా హాజరై, పూలబొక్కే, షాలువాతో సన్మానించారు.
బతుకమ్మ పండుగను తెలంగాణ సాంప్రదాయాలకు ప్రతీకగా భావిస్తూ మహిళలు ఉత్సాహంగా పాల్గొన్న వేళ, కవిత హాజరుకావడంతో ఉత్సవ వాతావరణం మరింత కాంతులు చిందించింది. స్థానికులు, జాగృతి కార్యకర్తలు, హెచ్ఎంఎస్ శ్రేణి నాయకులు పెద్ద ఎత్తున తరలివచ్చి తమ ఆనందాన్ని వ్యక్తం చేశారు.
కవిత మాట్లాడుతూ— బతుకమ్మ పండుగ మన సంస్కృతి, సంప్రదాయాల ప్రతిబింబం మాత్రమే కాకుండా, స్త్రీ శక్తికి ప్రతీక అని పేర్కొన్నారు. తెలంగాణలో బతుకమ్మ ఉత్సవాలు ప్రపంచవ్యాప్తంగా ప్రత్యేక గుర్తింపు పొందేలా కృషి చేస్తామని ఆమె హామీ ఇచ్చారు.
ఈ సందర్భంగా హెచ్ఎంఎస్ నాయకులు, జాగృతి కార్యకర్తలు ఆమెతో కలిసి బతుకమ్మ చుట్టూ నృత్యం చేస్తూ సంబరాలు జరిపారు.
Post a Comment