పీసీసీ చీఫ్ నివాసంలో బ్రేక్‌ఫాస్ట్ మీటింగ్ హాట్‌టాపిక్‌గా మారింది!
హైదరాబాద్‌: రాష్ట్ర రాజకీయాల్లో మరో ఆసక్తికర పరిణామం చోటుచేసుకుంది. పీసీసీ చీఫ్ మహేష్ గౌడ్ తన నివాసంలో బ్రేక్‌ఫాస్ట్ మీటింగ్ ఏర్పాటు చేశారు. ఈ సమావేశానికి మంత్రి పొన్నం ప్రణబ్‌ కుమార్‌, అడ్లూరి లక్ష్మణ్‌లను ప్రత్యేకంగా ఆహ్వానించారు.
ఇటీవలి రోజులుగా ఈ ఇద్దరు మంత్రుల మధ్య ఏర్పడిన విభేదాలు పార్టీకి ఇబ్బంది కలిగిస్తున్న నేపథ్యంలో, ఆ వివాదానికి ముగింపు పలకడమే ఈ మీటింగ్ లక్ష్యంగా తెలుస్తోంది.
పీసీసీ ఇంచార్జీ మీనాక్షీ నటరాజన్ కూడా ఈ వ్యవహారంపై ఆరా తీసినట్లు సమాచారం. మంత్రుల మధ్య సయోధ్య సాధించాలని, పరిస్థితిని సర్దుబాటు చేయాలని సీఎం రేవంత్ రెడ్డి సూచించినట్లు తెలుస్తోంది.
ఒకవైపు అడ్లూరి — “పొన్నం క్షమాపణ చెప్పాలి” అని పట్టుబడుతుండగా, మరోవైపు పొన్నం — “తాను అడ్లూరిపై వ్యాఖ్యలు చేయలేదని” చెప్పుతున్నాడు.
ఈ నేపథ్యంలో పీసీసీ చీఫ్ మహేష్ గౌడ్ ఇద్దరినీ సమన్వయంతో ముందుకు నడవాలని సూచించనున్నారని పార్టీ వర్గాలు చెబుతున్నాయి.
Post a Comment