హైకోర్టు న్యాయమూర్తి జస్టిస్ జే. శ్రీనివాస్ రావుకు ఘన స్వాగతం
భద్రాద్రి కొత్తగూడెం జిల్లా న్యాయస్థాన ప్రాంగణంలో శనివారం తెలంగాణ హైకోర్టు న్యాయమూర్తి, జిల్లా అడ్మినిస్ట్రేటివ్ జడ్జి జే. శ్రీనివాస్ రావు పర్యటించారు.
ఈ సందర్భంగా న్యాయమూర్తి కోర్టు ప్రాంగణంలో మొక్క నాటి, పర్యావరణ పరిరక్షణకు పిలుపునిచ్చారు. అనంతరం జిల్లా న్యాయస్థాన భవనంలో సీసీ కెమెరా వ్యవస్థను ప్రారంభించారు.
తరువాత జిల్లా బార్ అసోసియేషన్ అధ్యక్షుడు లక్కినేని సత్యనారాయణ నేతృత్వంలో బార్ అసోసియేషన్ ప్రతినిధులు వివిధ అభ్యర్థనలతో కూడిన వినతిపత్రాన్ని న్యాయమూర్తి గారికి సమర్పించారు.
హైకోర్టు న్యాయమూర్తి గారు వినతిపత్రంలోని అంశాలను శ్రద్ధగా విని, సానుకూలంగా స్పందిస్తూ, జిల్లా న్యాయవాదుల సంక్షేమం, కోర్టు మౌలిక సదుపాయాల అభివృద్ధి, ప్రజలకు న్యాయ సేవల సమర్థత పెంపు కోసం పూర్తి సమీక్ష చేస్తానని హామీ ఇచ్చారు. ఈ సందర్భంగా కోర్టు డ్యూటీ కానిస్టేబుళ్లకు ప్రశంసా పత్రాలు అందజేసి అభినందించారు.
వినతిపత్రంలోని ప్రధాన అంశాలు:
కార్యక్రమంలో పాల్గొన్నవారు:
జిల్లా ప్రధాన న్యాయమూర్తి పి. పాటిల్ వసంత్, అదనపు జిల్లా జడ్జి సరిత, సీనియర్ సివిల్ జడ్జీలు ఎం. రాజేందర్, కే. కిరణ్ కుమార్, కె. కవిత, జూనియర్ సివిల్ జడ్జీలు కె. సాయి శ్రీ, బి. రవికుమార్, వి. శివనాయక్, డి. కీర్తి చంద్రికా రెడ్డి, బి. భవాని, కె. సూరెడ్డి తదితరులు పాల్గొన్నారు.
బార్ అసోసియేషన్ తరఫున ఉపాధ్యక్షుడు జే. గోపికృష్ణ, ప్రధాన కార్యదర్శి భాగం మాధవరావు, సహాయ కార్యదర్శి కాసాని రమేష్, కార్యవర్గ సభ్యులు ఉప్పు అరుణ్, అడపాల పార్వతి, మాలోత్ ప్రసాద్, కె. చిన్నికృష్ణతో పాటు సీనియర్, జూనియర్ న్యాయవాదులు పాల్గొన్నారు.
Post a Comment