వేములవాడ జాతర మహోత్సవానికి సీఎం రేవంత్ రెడ్డికి ఆహ్వానం

మహా శివరాత్రి పర్వదినాన్ని పురస్కరించుకుని వేములవాడ శ్రీ రాజరాజేశ్వర స్వామివారి ఆలయంలో నిర్వహించనున్న జాతర మహోత్సవానికి హాజరుకావాల్సిందిగా ముఖ్యమంత్రి ఎ. రేవంత్ రెడ్డి గారిని ఆహ్వానించారు.

ఈ సందర్భంగా మంత్రి కొండా సురేఖ, దేవాదాయ శాఖ కమిషనర్ హరీష్, ఆలయ కార్యనిర్వాహక అధికారి రమాదేవి ముఖ్యమంత్రి గారిని మర్యాదపూర్వకంగా కలిసి అధికారిక ఆహ్వాన పత్రాన్ని అందజేశారు. అనంతరం వేములవాడ ఆలయ అర్చకులు ముఖ్యమంత్రి గారికి ప్రత్యేక ఆశీర్వచనాలు అందించారు.