రేపు హైదరాబాద్కు రానున్న ఉప ముఖ్యమంత్రి పవన్ కళ్యాణ్
రేపు హైదరాబాద్కు రానున్న ఉప ముఖ్యమంత్రి పవన్ కళ్యాణ్
హైదరాబాద్, జూలై 15: ఆంధ్రప్రదేశ్ ఉప ముఖ్యమంత్రి, జనసేన పార్టీ అధినేత పవన్ కళ్యాణ్ రేపు హైదరాబాద్కు రానున్నారు. ముంబైలోని కోకిలాబెన్ ధీరూభాయ్ అంబానీ ఆస్పత్రిలో భుజానికి శస్త్రచికిత్స అనంతరం కోలుకుంటున్న ఆయనను వైద్యులు డిశ్చార్జ్ చేశారు.
ఈ నెల 11న పవన్ కళ్యాణ్ కుడి భుజంలోని రోటేటర్ కఫ్ సమస్యకు ప్రముఖ స్పోర్ట్స్ ఆర్థోపెడిక్ సర్జన్ డాక్టర్ దిన్షా పార్థీవాలా నేతృత్వంలోని వైద్య బృందం విజయవంతంగా శస్త్రచికిత్స నిర్వహించింది. ఆపరేషన్ అనంతరం నాలుగు రోజుల పాటు వైద్యుల పర్యవేక్షణలో ఉన్న ఆయన ఆరోగ్య పరిస్థితి సంతృప్తికరంగా ఉండటంతో ఆస్పత్రి నుంచి డిశ్చార్జ్ చేశారు.
పూర్తిగా కోలుకోవడానికి సుమారు 60 రోజుల పాటు విశ్రాంతి తీసుకోవాలని, ప్రతిరోజూ కుడి చేతికి ఫిజియోథెరపీ చేయించుకోవాలని వైద్యులు సూచించారు. అలాగే కుడి భుజం పూర్తిగా కోలుకున్న తర్వాత మరో రెండు నెలల వ్యవధిలో ఎడమ భుజానికి కూడా శస్త్రచికిత్స అవసరమయ్యే అవకాశం ఉందని వైద్యులు సూచించినట్లు సమాచారం.
శస్త్రచికిత్స అనంతరం ఆంధ్రప్రదేశ్ ముఖ్యమంత్రి నారా చంద్రబాబు నాయుడు, మహారాష్ట్ర ముఖ్యమంత్రి దేవేంద్ర ఫడ్నవీస్తో పాటు పలువురు ఏపీ మంత్రులు, జనసేన నాయకులు, వివిధ రాజకీయ పార్టీల నేతలు పవన్ కళ్యాణ్ను పరామర్శించి ఆయన ఆరోగ్య పరిస్థితిపై ఆరా తీశారు.
రేపు హైదరాబాద్కు చేరుకోనున్న పవన్ కళ్యాణ్ వైద్యుల సూచనల మేరకు కొంతకాలం విశ్రాంతి తీసుకుంటూనే పరిమిత స్థాయిలో అధికారిక కార్యక్రమాలను నిర్వహించే అవకాశమున్నట్లు రాజకీయ వర్గాల్లో చర్చ జరుగుతోంది.
Post a Comment