రైలు కింద పడి కలెక్టరేట్ సూపరింటెండెంట్ ఆత్మహత్య
రైలు కింద పడి కలెక్టరేట్ సూపరింటెండెంట్ ఆత్మహత్య
చిత్తూరు, జూలై 24: చిత్తూరు రూరల్ మండలంలోని సిద్ధంపల్లి రైల్వే గేటు సమీపంలో గురువారం రాత్రి ఓ వ్యక్తి రైలు కింద పడి ఆత్మహత్య చేసుకున్న ఘటన కలకలం రేపింది.
రైల్వే పోలీసుల వివరాల ప్రకారం, మృతుడు అన్నమయ్య జిల్లా మదనపల్లె కలెక్టరేట్లో పీజీఆర్ఎస్ (ప్రజా ఫిర్యాదుల పరిష్కార వ్యవస్థ) విభాగంలో సూపరింటెండెంట్గా పనిచేస్తున్న శ్రీనివాసులుగా గుర్తించారు. కాట్పాడి–తిరుపతి ప్యాసింజర్ రైలు కింద పడి ఆయన మృతి చెందినట్లు పోలీసులు తెలిపారు.
శ్రీనివాసులు గతంలో లక్కిరెడ్డిపల్లి తహసీల్దార్గా పనిచేస్తూ సస్పెన్షన్కు గురైనట్లు సమాచారం. అనంతరం శిక్షాత్మక బదిలీ (పనిష్మెంట్ పోస్టింగ్) కింద మదనపల్లె కలెక్టరేట్లోని పీజీఆర్ఎస్ విభాగంలో విధులు నిర్వహిస్తున్నట్లు తెలుస్తోంది.
ఆయన ఆత్మహత్యకు గల కారణాలు ఇంకా తెలియరాలేదని రైల్వే పోలీసులు తెలిపారు. మృతదేహాన్ని పోస్టుమార్టం నిమిత్తం చిత్తూరు ప్రభుత్వాస్పత్రికి తరలించారు. ఘటనపై కేసు నమోదు చేసి దర్యాప్తు కొనసాగిస్తున్నారు.
Post a Comment